2 mart tarixində Azerbaijan Business Award 2023 mükafatlandırma tədbiri keçirildi. Tədbirdə Azərbaycanın qeyri-neft sektorunda ən yaxşı şirkətlər və şəxslər təltif olundu.  Azerbaijan Business Award 2023 mükafatlandırıma mərasimində dövlət qurumlarının nümayəndələri, diplomatlar və biznes liderləri iştirak edirdi. Mərasim, telekommunikasiya, tikinti və qida sənayesi kimi sahələrin inkişafının vacibliyini vurğuladı.

Mükafatlandırma mərasimində xüsusi diqqətə layiq görülən məhsullardan biri  Az Abrau nin  “Ağdam”  şərabı oldu. Şərab “Əfsanənin qayıdışı” nominasiyasında mükafata layiq görüldü. Bu məhsul Azərbaycan şərabçılıq ənənələrinin yenidən dirçəlişini simvolizə edir və ölkənin şərab istehsalı mədəniyyətinin bərpasında mühüm rol oynayır.

Bundan əlavə, Az Abrau Muzeyi də şərabçılıq tarixinin və mədəniyyətinin təbliğindəki xidmətlərinə görə mükafat aldı. Muzey, Azərbaycanın zəngin şərabçılıq irsinin qorunub saxlanılmasında və tanınmasında mühüm rol oynayır.